لما حد يكون عنده احساس انه حياته بايظه و مبقاش قادر يبقا على حاجه ولا فارق معاه حاجه، بس في شئ (وتعمتدت اقول شئ لندرة وجوده) دايما قدامه ف كل حالاته و تقلباته دي، و متقبله حتى لو بيضايق منه بس محذفوش من حياته او مقدرش ياخد الخطوه دي برغم جحوده على العالم، و ممكن لو طاقته خلصانه و مش قادر بس حابب يسمعله او حتى يبصله من غير كلام، و بييجي ف باله و ولو حتى تخاطيفي كده..و البني آدم ده و هو في الحاله دي متمسكش بالشئ ده بكل ما يملك من ذره في جسمه..و حتى لو ده هييجي على كرامته و على اي حاجه في دنيته، و معملش بهلوان عشان يحافظ على وجود الشئ ده في حياته و ف وقته و حتى ف مخيلته كمان..صدقوني البني آدم ده هيندم كل الندم لما الشئ ده يروح و يبتدأ يتلاشى إلى ان يختفي من الكادر تماما، ساعتها فعلا هييدا يعرف المعنى الحقيقي للوحده و للانكسار و حرفيا هيكون "fucked up" -وده مش معناه ان الحياه انتهت- بس ممكن تنتهي بشكل كبير بالنسباله غالبا..
المهم يعني في عز القرف و الاكتئاب و الظروف بنت ديك الكلب، متستسلمش و دور على هذا الشئ اللي لسه مخرجش من جواك وانت في عز دور الناقم..بلاش تندم..صدقني و صدقيني لو وجدتوا الشئ و عرفتوا تتمسكوا بيه اوعدكم حياتكم هتختلف ١٨٠ درجة......
