جوه طريق الحزن بتمشي ؟!

جوه طريق الحزن بتمشي ؟!
إعكس سيرك متكملش.. 
ارجع تاني لأصل المفرق
غيرك ناضل مستسملش..
متكسلش تبص بعيد 
ربك خالقك يومك عيد 
ماتطفيش الشمعة تأييد 
نور شبابك ميضلمش.... :)

أنا ونقط

انقسام...
انفصام...
تشتت بين مشاعري وأفكاري
أنا ونفسي بنتعارك مين اللي يرفع الصاري !
مين الأصلح يكون قبطان ؟!
لمركبة عمري الجاري
مين القادر ميهربش ؟!
قصاد غدر الزمن ساري
أنا ونفسي !

إلتحام...
صراع فكري وفكر الكون..
أنا والناس وناس تانيه
وأي فكره بتبدأ في ثانيه
لا أنا صح ولا انتم غلط
في ناس عايش في مخها الزلط !
والفكره للمصلحه فانيه
مؤمن بأفكاري واللي يكون هيكون
فكري وفكر الكون !..

انسجام..
قليل قوي لما أكون مرتاح
أنا وقلبي..ومتصافيين
بنتعاتب ومش قافشين
ولا عاجزين..ولا واقفين
على أعتاب قلوب تانيه
 بنتحايل..ونتمايل
ولا حابب يبات قلبي يقولي من فلان شايل
بحاول إني أعيش عادي ومش فارقه
تكون احزان, تكون أفراح
مهم إني أعيش مرتاح
أنا وقلبي...

استفهام..
أنا وبس..
كل اللي فات ده كلام
وأنا نفسي كلامي غير
هوايتي أسمع للغير
أكتب حكاوي الناس
اوصف ظروف صعبه
واضح يكون ظاهري
غامض قوي لجوه
وبابي ليه 100 ترباس..
كاتب كتير جوابات
ببعتها دون عنوان
مش فارقه من يقرا
ولا فارقه إيه هيبان
كل اللي هاممني إن الجواب يوصل
لشخص محتاجه
ويقدر يلاقي سطر يهز أشواقه
ويكون بداية وصل..
ليلي عزيز الأصل..معايا أنا و بس..

ألغام..
مستقبلي المجهول..أنا ونقط كتييير..علامات تعجب
عامل طموحي بالورق مركب
طافي على البحر المجنون..
موجه عاليه وموجه واطيه
وموج كتيير حده مسنون..
مش خايف من مستقبلي
لكن عامل حساب الغدر
في ناس تشوف إن النقط دي ستر
ناس تانيه توصلها
وناس تالته تلونها
وانا يكشفهالي نور البدر..
وعن رؤيتي مسئول..
أنا ونقط..مستقبلي المجهول....

كَم أَشْتَاقْ..

كَم أَشْتَاقْ..!!!
كم اشتاقُ لرغيي معاكي 
كم اشتاقُ لكل كلامنا 
كم اشتاقُ لعندك ليَّ 
ونظرة عينك عند سلامنا..
كَم أَشْتَاقْ..!!!
كم اشتاقُ لكل مافيكي 
كم اشتاقُ لخوفك مني 
كم اشتاقُ لكرهك ليَّ 
وحبك وقت معوزك جمبي.. 
كَم أَشْتَاقْ..!!!
كم اشتاقُ أراقبك بدري 
كام اشتاقُ مَبَانْشِ أوام
كام اشتاقُ أَحِسِك فيَّ 
نبضة قلبي، موسيقى، كلام..
كَم أَشْتَاقْ..!!!
كم اشتاقُ لسحر عنيكي
كم اشتاقُ وقوفك جمبي
كم اشتاقُ سؤالك عني 
وانتي فبالي بتجري ف دمي 
كَم أَشْتَاقْ..!!!
بفضل دايما أفكر فيكي..
و كَم أَشْتَاقْ..!!!

شايفه يا دنيا !

شايفة يا دنيا..
فجأة بتكتر فوقي هموم
احزان صعب انها تنزاح
بس الاغرب
ف نفس الوقت
حاسس ان ف قلبي براح
ممكن اخد حبة كمان؟؟!!
خلطة ظلم مع الاحزان
حاجة تخلي الفرح يعشش
جوا القلب بدون عنوان
مش مرتاح..

بصي يا دنيا..
شوفي كويس..
هاتي الصبح و هاتي الليل
شمسك قمرك اي دليل
يثبت ان انا عاقل وكويس..

أو مجنون !
مش فارقه كتير وياكي
إحنا نعيش جواكي يا دنيا
بس بنتنفس ف هواكي
مصيرنا نسيبك
قريبك، حبيبك، صاحبك، نسيبك..
كلو يروح
واحنا نروح
تطلع روح
عند اللي رافعلي سماكي...

إختلفنا..

إختلفنا ف الحوار
أنا و اللي جوايا..
مين فينا اللي إنكسر اكتر
مين سلم م البدايه..
مين ساب الدنيا تجرح
مين خلا الحزن يسرح
بين قلوب الناس بيمرح
ويبقا ل ناسنا غاايه.....

يمكن ف يوم اقدر اكون

يمكن ف يوم اقدر اكون
زي منا حابب ان اكون
اهرب من الناس و الظنون
المرهقه..
واتحدى عظمة ناس شكوكهم
 مربكه..
واجري واعدي فوق جبال
 متشبكه..
تمنع طموح
تكسر شموخ
توقف كل اللي زهق عمال يطوح
يمكن ف يوم اقدر اكون.. 

اعرف اجدد من حصون
تمنع الظالم اللي بيستخدم فنون 
هتك البشر..
كل اللي فاكر انو هيقطع شجر
يطفي شموع قايده بدموع
تروي بدل نقطة مطر
يمكن ف يوم اقدر اكون..

اقدر اقوم من ع السرير
مفروش حرير
والاقي جنبي واحده تسقيني العصير
وتولعلي السيجار
وتطفي جوا القلب حروق
سايباها نار
من اني حاسس انو جوايا حصار
عن الحقوق..
جوايا سد كبير رخم مليان شقوق
قرب يقع
وانا م البدايه للنهايه مش هقع
يمكن ف يوم اقدر اكون......

أوهام..

احببتها. نعم احببتها. لقد احببتك ومن كل قلبي ولا ادري لماذا..
لقد نسيت كل ما كان من قبلك كل ما كان يؤلمني و كل من حاول ان يمحيني قد نسيت..
وبنيت قصورا و احلاما من الخيال عالما اخر لي ولكي وحدنا وهما قد ابتدعته بيدي لنا و لحبنا لحياة اخرى بعيدة عن كل شك و غيرة و عذاب.. 
انت كنتي لي مثل ناي يعزف في ليلي, يحرك مشاعري, يغير تفكيري و يرتقي بي للسماء للصفاء للعلو ف الفكر و الفعل. كنتي لي مثل اوتار الكمان, تتحكمي في دقات قلبي وفي تدفق شعوري 
و في حركتها لكي او بعيدا عنكي.. 
لقد سخرت كل لحظة وحركة في حياتي وانا افكر كيف بها اسعدك, افرحك, امحو نظرة حزن او دمعة الم قد تكون في يوم على وجهك و تغطي على معالم هذا الوجه
الذي اعشقه و اهواه بابتسامة شفاهك التي تحرك قلبي و حزنها الذي يزيدني ولها و خوفا عليكي..
ولكن لماذا ؟؟ لماذا كتب علي ان احزن, ان احترق, ان اتعذب بكل ما يمكن من عذاب النفس و الهوا لكي انال, او لا انال ما اريد..!!!؟
لماذا لا يوجد معنى لكلمة الحتم في كتبي ورواياتي. دائما حيره و استغراب، كطفل لا يعي الدنيا و لا يعي ما يعمل, يحلم و يسرح و يبحر في ما يريد بكل عقله و كيانه
 ولكنه دائما ما يقع في حزن بدون مبررات هكذا كل اشعاري وكل كتاباتي..
لقد حسبتك مستقبلي, علمتك هدفي, رايتك ضوئي الذي يحدد مسار صراطي.. وفجأه انطفأ هذا الضوء بدون انذار, بدون تحذير, بدون اي شئ وتركت انا كسيرا لا ارى ولا اعلم, واريد ان افهم..! 
ماذا افعل لكي اجني محصول افعالي هبائا و ترابا لا خضرة تفوح منها رائحة هذه السعاده في لحظة لقاء المنتظر؛ الغائب...
لكن اتعلموا, بكل هذه المشاعر المتناقضه وعلى الرغم من اختفائك عني ف ظل و أوج حاجتي و رغبتي بكي من دون مقدمات و اعذار, فقد اوصلتني لقلمي البعيد عني  في ضعفي لاكتب هذه الكلمات. 
انني واثق في افعالي واعلم باني لم انحرف بخيالي و افكاري الى ابعد من ما يحق لي.. اردتك كحق لي ف هذه الدنيا، ولكن بدون ان اذل نفسي و بدون ان اركع لافعالك بل بكامل كرامتي 
و قوتي التي املك اقول اني احبك وسأحبك ولو بداخلي..لكني لن ادفن نفسي ولن انزع قلبي لاجلك ان لم تقدري وتشعري بما بداخلي لكي..
اذا لقد عرفت دربي وكيف اتعامل معه ايما كان مصيري..
اريد ان اقول.. انك ستظلي يا حبيبتي وهما وحلما كبيرا في داخلي اتذكره وأنا اشرب فنجان القهوه أو عندما أشعل سيجارتي وأتوه بين دخانها فقط لا غير.