نفسي..

نفسي نفسي...
لك الفرح والحزن والدموع و الضحكات
لك الرقص و المغنى
لك الجمع ولك المنفى
لك الكلمات..
فلا تيأسي
ولا تيبسي
ابقي كما الورود على اشجار الربيع
كما الطيور
كما قطرات الندى و نفحات العبير
ولا تتوجسي
فلك وجد الحب
ولك تلك الهمسات.....

لحظات...

......رفع عينيه من على الأرض بعد أن كان حفظ تفاصيلها من قوة التركيز ناظرا إلى أعلى, إلى أعلى نقطة يمكن ان تراها عيناه متأملا القرب لمبتغاه...

صمت قليلا وهو يذرف الدموع بصعوبة بالغة وحرقة تكوي خديه اثر مرورها عليهم وي كأنها تخرج معها ما بداخله من نار, ثم قال : يا الله.................يا الله........

* #مقتطف من رواية لم أكملها.

عن الثائر الآن..

مقهور ومن جوايا بتكسر
اكتر منا مكسور

 جراحي عليكي يا بلدي ملت جسمي

خطوطها عرض فيا وطول

وجع فيا مخليني 

انام بحلم اكون منصور...

ثورة..

اسم حبيبتي في الاول

باتت نصر

صبحت دم

باتت موت

صبحت هم

باتت ناس باعتنا

صبحت غم

باتت كلام كتير

صبحت على اللي بيحلم سم

رجع شريطي للأول,,

حبيبتي كان اسمها ثورة..

احزانا بقت العادي بتاعنا

احلامنا بقت نقطة وداعنا

سهرنا مش للسمر

بنسهر عشان نحمي متاعنا

ضي القمر اصبح دليل مش اكتر

عاللي خانا واللي باعنا

وحكاوي اللي عنهم سمعنا

واحمر دم لون طريق السفر..

محتار,,وكل حياتي متلخبطة

متترتبش

منيش عارف اعيش عشان بلدي

ولا عشان حبيبتي

ولا عشان شغلي

ولا عشان اهلي

متستعجبش

ثائر وده حالي مهوش مفهموم

تايه وزحمة بال 

قدري مهوش معلوم

بابي على مدخله شوك

وجوه خضرة تدوم 

ميتعتبش...

استاهل ارتاح واعرف اعيش !؟

ولا مليش سكة

اخباري سجن وموت

اشتقت للضحكة

افرح من قلبي..مفيش

لمة تدوم..متلاقيش

كلام حنين من حبيبتك..طراطيش

حياتنا مع اعدائنا، شركة.. 

الخلاصة وجع و مرار 

ماشية بضهرها تندار 

كل اللي عندي يا بلدي وجع 

والدم دليلي ف المشوار.....

أفيقوا...

ارى النهاية امام عيني ملطخة بالدماء, مليئة بالحزن, متفاقمة بالاطراف الخفية المثيرة و الداعية للحرب لارضاء مرضها النفسي الداعي للهرش اذا لم توجد خلافات و دماء مطرطشة..

تزيدها مأساوية الموسيقى الخافته المبكية التي تعزف في الخلفية المظلمة ظلاما يواري الحقيقة المنجية...

نسب حدوث هذا الكلام كبيره جدا...

نسبة تسمية هذه الرؤية بالنهاية اكبر بكثير...

هل ستكون كذلك بالفعل !؟

هل هنظل عميانا لا نصل و لا نتوصل الى الشمس و نور الفهم !؟
هل كتب علينا ان نعيش تحت قهر وذل وقمع للابد ؟!

هل سنظل نعيش بدون مواجهة ونخترع ونلجأ للمبرات لاخفاء واقع اننا لا نجرأ على التدخل في شؤون من لهم السلطة والكلمة الناهية, واننا اعتدنا السكوت والخضوع لتثاقل مؤخراتنا عن الحركة بمجهود زائد عن حدنا أو عن ما أعتدنا عليه !؟
هل و هل و هل و الف هل بداية لأسئلة إجابتها توضح تحقق هذه النهاية التي ستكون نهاية لشئ له بداية اخرى تماما عن كل ما سبق !!
افيقوا يرحمكم الله..

افيقوا فنحن نهوي بلا عودة..بلا رحمة..بلا رجووع....افيقوا و لا تصغوا لكل من يتكلم و يزايد على غيره بل اسعوا للحقيقة و تسابقوا الى باب الخروج من ما نحن فيه اﻵن....
افيقوا...
افيقوا...

عايزين نعيش..

تحت الركام

بين الغيوم

وسط الكلام

جوه الهموم

ف عمق المشاكل والبلاوي

والرسايل والحكاوي

وكل حاجه مؤلمه..

في حاجه حلوه بينا

متقسمه..

متشققه..

عايزه اللي ينجدها تعيش

طالعه مفيش 

نازله مفيش

عايزه تكون عايشه عشان

نعرف نعيش..

حاجه من جوانا عايزه تنفجر

تطرح ورود

تمحي الحدود

تكسر كل أسوار الجناين

ترجع حلو كل اللي كان موجود

و تفوح عطور

أنهار موده بتنهمر و ننتصر.....

نديلها فرصه ؟!

ممكن تشوف النور ؟!

حاجات كتير متفتته

صبحت قساوتنا ف صلابـتها

تعاند ف الصخور !!

ممكن سلام ؟!

ممكن محبه ؟!

ممكن نعيش مطمنين ؟!

ممكن نسيب فرصه تفوت

تمحي بـايديها ذل عفن من سنين ؟! 

ممكن نكون وحده ونور

و مكانه عاليه بين عصور

و لحن مفرح يمسح دموع

سببها كان سحابة ناي حزين ؟!

أفتكر ممكن..

اعتقد نقدر..

نقدر نخلي الحلو اللي جوانا يبان

نقدر نسبب للي حوالينا الأمان

نعرف نثور وقت الغضب

بس عشان حق الجعان..

حاول تكون انت البطل

مش حد غيرك

حاول تعيش تعرف تغير

ارسم, لون مصيرك

وري للعالم وسمعهم

إن إنك أنت وألف غيرك

صوت الأمل..

روح العمل..

احنا الرياده والسياده 

و احنا اللي زهقنا الملل..

احنا شباب متبهدله

كل اللي عايزينه ف يوم

نقدر...نعيش....

في الأمل..

عندما يتواجد الأمل ويستمر صبرك لمدة طويلة ويبقى هناك ذلك الأمل الصامد بالبقاء والإستمرار على ما انت عليه ورفضك للواقع المرير,, فهناك دائما نافذة تفتح في النهاية, يدخل من خلالها ذلك الهواء النقي الباعث على الإبتسام نتيجة الراحة, ثم تنهض متقدما لتلك النافذة متلهفا لما ينتظرك, فتجد شمسا ساطعة تعكس البهجة و ترسم بضوئها تلك الخضرة الذهبية اللمعان, وتهتز أوراق الأشجار المكتملة النمو ناشرة راحتها العطرة بين نفوس الجالسين في ربوع خضرة الحدائق و المستظلين في ظلالها, وتعكس أسطح المياه العذبة الجارية تلك السماء الصافية التي تتسم بالسحب المهذبة, و الكثير من هذا و ذاك من الأمور البديعة والمفرحة.
أرى ذلك و ألمسه من واقعي الذي أعيشه وأتمنى ان يوقن غيري به...
تفائلوا, ابتسموا, اضحكوا و اجعلوا ضحكاتكم تنتشر بين كل من حولكم, أحبوا وتحابوا واخلصوا و تجنبوا كل ما يعكر صفوكم فكم من يوم يبقى لكي نعيشه ندري عنه...
راقصوا الفرح..
عاشروا تفاصيل الحياة المبهجه.  :)
#تفاؤل #صبر #بعد_عن_الواقع_المؤلم #صمود و #مكملين 

من تمتمات الليل...

وسط الكلام بين المعاني ف كحلة الليل المعتمه نزل الستار والحق طار قلوب كتيره مسلمه مستسلمه للسعة الجمر الدفين و صبرانين مستنيين المعجزه.. ورا الكواليس تنشد اغاني المنتشين وتقول امين وكاس الذل باللحن الحزين يروي النيران ويعلي شعلة قادتها ساعة من الشيطان تعمل سحاب يغطي دمع المغلوبين والمسمومين الهلكانين يخنق كلام نابع من معدن نفيس.. و يعلى النهار بشمسه غطى ظلام ليل شتوي كئيب تهدي النفوس وتبص فوق ترجع تسلم للماضي المريب فيرجع روتين المجتمع يسوي افكارك يا ليلنا باللهيب.....