مين فينا مش تايه
مين فينا مش موجوع
مين اللي طاطا وسلم
للزمن روحه..
مين اللي باع حبه
مين اللي ضاع ومجاش
مين اللي كان اصلا
بيحب و بروحه ؟!
مولد وناس جرابيع
زحمة و نُسور سايبه
قطط جعانه
كلاب سعرانه
وشحاتين و موكوسين
وشعرا و اُدَبا و دجالين
مين م المِِقّٓلب مين
بتحتويه ضلوعه..
ليل رمز للبكا والصمت..
الشمس تطلع تضوي صوت كراكيب..
تنمحي الافكار وتنعدم م الرد..
اصل الحكاية والله امر عجيب..
كل اللي ليك جوا المغاره
يا جحا تملك عماره
ولما تكبر تقوم تِشَقَّق
فيعلى صوتك وتبقا ديب
وكلها صبحت ديابا
كله فاكر غيره لسه
باقي م الناس الغلابه
لا يا ديب و الف ديب
طبع دي عيشه مريب
لانا كنت معزه ولا برضو ديب
كل الحكاية اسئله فوق بعضها
تطرح و تضرب جمعها
واِقسِم على ضهري فٓاشيب
و يقولي ورد و في جناين مبهجه ..
ارد اقوله مبهجه عيونه..
ورد الصِبا مَطَرَحش..
عشان يبان لونه....
ليست هناك تعليقات:
إرسال تعليق