اضحك لبختك..

يمكن ما بين كل ضحكه و ضحكه وقت

وحاجات كتير بتفرحك بتموت ساعات..

بس الحقيقه في اعتقادي الدنيا بخت

فاضحك لبختك حتى لو ضلمه و سكات..

اضحك لبختك..

رغم كلكعة الحاجات...

يا مَنْ كُنْتُ أُحِبْ..

يا من كُنْتُ أُحِب..
تَلْتَفُ أَزْهَارُ الطَرِيقِ على قَلَمي
لتَكْتُبَ لَكي بِضْعاً من الكَلِمَاتِ الدَامِعة
ليسيلَ الحِبرُ على أورَاقي
مُحْدِثَاً ذَلِك الضَجِيجَ المُزعِج !
فتتغيرُ ألوانَ تِلك الزُهور
الى ذلك اللونِ القاتِم الذي يُبْغِضُني..
و تَدْبُلُ و تتساقطُ اوراقُها بِهدوء
كما يسقطُ المُحَارِب من لُجُوءِ السَهْمِ إلى صَدْرِه..
دَوَائِرُ و مَتَاهاتِ التساؤلِ تُحيطُ بي
عن أسبابِ رحِيلِك..
ما زِلتُ أبحثُ عن رحيقِ عِطرِك الأخَّاذ
عندما أشعُرُ بأني قَرِيبٌ مِنك
وألتَفِتُ و أقفِزُ و أتَمَادى في السؤال
يا من كنتُ أُحِب..
أين أنت ؟!
أين أنت ؟!
أين أنتِ مِنَ الضَحِكاتِ العابرة ؟!
وأين أنتِ منِّي حين الشرود ؟!
كنتُ مُتَّخِذاً من عَيناكي مَسْكَناً لي
لا أذكُرُ كَم قَضَيتُ من الوقتِ هُناكَ أُفكر !
كان شَعْرُكِ الأسودَ الذي طالما أحْبَبْتُه
كالشِرَاعِ الغامضِ لسَفِينَةِ قُبْطَانٍ كَارييبِّيٍ
يَغْزُو القلوبَ و يَمْضِي تَارِكها خَاويةً وحيدة..
و شِفَاهَكِ التي كنتُ لا أَنفَّكُ من تَذَوّقِها
فـأشبَعُ لا أَجُوعُ بَعدَها
إلّا حِينَ ألقاها مُجَدَّداً..
يا من كُنتُ أُحِّب..
ما زِلتُ أبحَثُ عَن إجابةِ ذلك الوَدَاعِ الغَامِض
ما زِلتُ أُبحِرُ في أعْمَاقِ فِكْري
و أُفَتِّشُ في سَرَاديبِ جَوفي عَنِ الأسبَاب !
ولكنِّي يَإست..
هَجَرْت..
هجرتُ الفِراق..
هجرتُ العِناق..
هجرتُ الغِناءَ و الضَّحِك..
كل ما أصبحتُ أملكه
ذلكَ الفكرُ الشَّارد
وقلمي و أوراقي
و نظَّارتي العسليةِ التي كُنْتِ تُحبينها..
لا أعرِفُ إن كنتِ ستقرأينَ مَا أكتُب !!
ولا أعرِفُ إن كان يُهِمُّكِ ما بِدَاخِلي..
ولكنْ كُلُّ ما أعْرِفُهُ الآن..
هوَ أَني لَم أُعدْ كَمَا كُنتُ سابقاً..
وَهِنْت..
و هَرِمْت..
ولا أُرِيدُ البَقَاء..............

غربة..

غربه..

غربة الروح في المكان 

اللي هيا عايشه فيه 

واللي تتعود عليه 

حاجه جوا الاكسجين بنشمها.. 

حاجه بقت عادي ف وطنك تحسها.. 

او بين نفسك و بينك 

يمكن كمان ويا حبيبك 

وسط اهلك 

وسط ناسك 

جوا بيتك 

حالة الغربة بتجري جوا دمك من وقتها.. 

فاكر يوم ما انكسر قلبك 

يوم لما قلنا يسقط النطام 

وفرحنا لما بقا لينا حق الكلام 

وقوام جرينا لجل لا يسود الظلام 

لكنه ساد.. 

طب تفتكر يوم الفراق ويا الحبيب 

كان حاجه صعبه عليك تحب وتتجرح 

ويكون وداع صامت بلا اسباب تتشرح 

وتكتئب 

وتحس فجأه انك مجرد شئ غريب.. 

طب جايز تفتكر خناقاتك ويا ابوك 

وصوته لما يعلى يرج قلب اللي جابوك 

وتقول انا مش صغير 

سيبني افكر 

سيبني اغير 

جايز يكون انا عندي حق 

واقنعك من غير مناهده 

بس اسمه متقولش لا 

يرجع يقول انا برضه عارف 

انا كنت زيك وانا قد سنك 

انا خبره ف امور الحياه 

ياما قلبي جازف 

واديني تعبت 

قمة العقل في نقاشهم 

انتا تسكت وتقول سمعت 

حاضر حتى يبلغ السمع منتهاه.. 

وفاكر لما... 

هفضل كده احكي كتير ؟! 

انتا الغريب اللي عايش وسطنا 

انتا اللي عايش من غير امل بيلمنا 

سنك صغير 

قلبك عجوز 

ودافن جواك حلمك كبير 

تقولي بكره 

اقولك يجوز 

تكون غربتك هيا هيا المصير....

مين ؟!

مين فينا مش تايه مين فينا مش موجوع مين اللي طاطا وسلم للزمن روحه.. مين اللي باع حبه مين اللي ضاع ومجاش مين اللي كان اصلا بيحب و بروحه ؟! مولد وناس جرابيع زحمة و نُسور سايبه قطط جعانه كلاب سعرانه وشحاتين و موكوسين وشعرا و اُدَبا و دجالين مين م المِِقّٓلب مين بتحتويه ضلوعه.. ليل رمز للبكا والصمت.. الشمس تطلع تضوي صوت كراكيب.. تنمحي الافكار وتنعدم م الرد.. اصل الحكاية والله امر عجيب.. كل اللي ليك جوا المغاره يا جحا تملك عماره ولما تكبر تقوم تِشَقَّق فيعلى صوتك وتبقا ديب وكلها صبحت ديابا كله فاكر غيره لسه باقي م الناس الغلابه لا يا ديب و الف ديب طبع دي عيشه مريب لانا كنت معزه ولا برضو ديب كل الحكاية اسئله فوق بعضها تطرح و تضرب جمعها واِقسِم على ضهري فٓاشيب و يقولي ورد و في جناين مبهجه .. ارد اقوله مبهجه عيونه.. ورد الصِبا مَطَرَحش.. عشان يبان لونه....

نعيشها ليه ؟!

لما الكلام يهرب من الحلق و يسلِّم

لما القلوب تبرد و الحق يتْسَّلِّم

لما تعيش مغصوب

والدنيا بالشقلوب

والدم مش محسوب

يبقا نعيشها ليه ؟!

منيش ماشي...

يا مزينه نفسك بطوق الوحده و الاغتراب
يا ملونه نفسك بلون الشتى و حبات التراب..
يا مألوفه 
يا محبوبه
يا قريبه من قلبي و مكسوفه
تقولي كلام يخليني اعيش جنبك
و مبعدشِ..
يا ملهوفه على الدنيا و حكاويها
و طول ليلك بتحكي ليا اغانيها
و مواويلها في ضواحيها
و امثالها بمعانيها
عشان تسيبيني متشوق
لتاني ليله بعديها
لأبعد حبه او امشي..
منيش ماشي !!
و هقضي الجاي من وقتي لأسمعلك
وادندن ويا ألحانك
و ابقا وتر، ناقص، يكمل حاجه لكمانك
فاعزفي..
خلي الموسيقي ترد فيا الروح
منيش ماشي......

ارحل فحسب..

و مالك بعد ان ترى هذه الدماء التي اريقت على الصخره الااف المرات، ان تتلون او ان تمارس ادوار المرضى النفسيين و تتضرع بشذوذهم الفكري، و تتجسد في تلك الشخصية الغامضة التي لا تفسير لها بين عامة البشر،
فلتصقل هذا المعدن المتسخ الذي ترتديه، و لتنفض غبار الزمن الذي لوث خارجك،
و انثر بعض قطرات الندى على اوراق روحك التي ذبلت من عدم الاهتمام المقصود و نفيها عن ارض الشمس و الحياه،
قم،
استيقظ،
اكسي نفسك بحلة بهية جديدة فصلت من نور القمر و غزلت من خمور الليل الحالك،
اذهب من هنا،
ارحل، تاركا خلفك كل ما قد يعيقك او يعرقل خيالك المريض،
ابتعد يا مٓن اقرب لنا مِن دفء الصباح الصيفي،
 و اقسى من لفحة برد قررت المجئ في غير اوانها،
أٓلقي الوداع، 
وارحل فحسب......