تسمحيلي اخطفك ؟!
نسهر سوى تحت القمر, تبقى النجوم ترقصلنا ؟!
فوق الجبل جمب السحاب
والنسمه صافيه تعدي تدخل قلبنا
وتقلنا..عن سر إعلان حبنا..
نور السما عامل سيوف تقطع ستاير م الضباب تكشفلنا
عن جنه فوق الأرض ريحتها ورد..غير عندنا..
جوه الشوارع والحواري اللي ف قلبي في منادي
راح يدور..يعلن على الجمع الحضور
إستعدوا تفرحوا ولا تزعلوش يوم من جديد
صاحب الرساله مهمهوش غير إنه يبقالكم سعيد
يا أهل الهوا والشوق في قلبي, متناموش وهي جمبي
صحصحوا لجل الجهاد في حبها
و بلغوا كل اللي غايب
اللي مش في صفوف جهادي خسر حلاوة مرها..
وإن عقابي هيبقى قاسي للي يخالف رأيها..
بتمنى تبقي, كل عمري الجاي جمبي
فتسمحيلي أخطفك ؟!
واخدك واروح ابعد بعيد
عارف إني بحلم بس بيكي حلمي يتحقق أكيد..
عارف إني ممكن اخنقك من حبي ليكي
وعارف إن غيرتي عليكي هتموتني بيكي
وعارف إني كتير هفكر اكرهك من كتر خوفي لأعبدك
وأنام ف حضنك أموت, أعتبر نفسي شهيد..
أو إني أنسى لما أشوف عينيكي واتوضى من دموعك
وأنوي لجل أصلي ركعتين,ما بين ضلوعك
واخدك ونسجد سجدة الشكر الطويييله..متنتهيش
وافضل على ذكرى أعيش..مترضيليش..
فاسمحيلي أخطفك...
بلغوا كل اللي غايب
ردحذفاللي مش في صفوف جهادي خسر حلاوة مرها..
وإن عقابي هيبقى قاسي للي يخالف رأيها..
فتسمحيلي أخطفك ؟!
وأنام ف حضنك أموت, أعتبر نفسي شهيد..
أو إني أنسى لما أشوف عينيكي واتوضى من دموعك
وأنوي لجل أصلي ركعتين,ما بين ضلوعك
فاسمحيلي أخطفك...حلوة اوووووى بقى
ربنا يخليكي ده من ذوقك بس يا زينب :)
حذف