شعبي العقيم...

جوايا كلام كتير نفسي اشرحو..اخرجوا بصوره ما غير معلوم الفورمه بتاعتها ايه الى وقتنا الحالي عشان الناس تستوعبها، او بمعنى اصح كشعب مصري تتأثر و تعمل مش تتأثر بس من غير لواحق ايجابية... نفسي اشرح واتكلم و اقول كل حاجه وانا عندي لا شك عن النتيجة و التأثير كمجتمع و فكر شعب محطم فكريا...هل الناس ممكن يوم تستوعب كلام كبير مجعلص مكعب فضائي بطريقه بسيطه في الشرح ايجابية في الفعل عن حالنا و حقوقنا وتصرفاتنا من الناحية المنطقية الفكرية و الناحية المتعلقة بالدين بس من رؤية فلسفية مش فتي والناس تحترمها !!
طب ايه ؟
هنفضل كدى كتير ؟
مش هنتغير مثلا لا قدر الله ؟ بعد الشر على اصحاب القلوب الضعيفة الراخية معدومي الدم متسلحفين حركيا من التغيير والتحسن والتطور !!
والله المحاولة للتقدم والرقي مش صعبة، نول شرف المحاولة على الاقل احسن من التبلط ابن المره الفكري ده..
مش لازم جودزيلا ييجي يدمر المدينة عشان نقف جمب بعض قصادوا..ولا برضة هنفوض سوبر سيسي مثلا للقضاء على الارهاب الديناصوري القادم، او تسونامي يحل يحضر يفشخنا كلنا، ولا راجل بتلات حمامات على كتفوا ييجي يطلق الحمام يشخ علينا ولا ايه طه ؟!
هل في امل مصر تبقا مصر فعلا !؟ او الشعب المصري يعمل كوميكس على الغرب عشان متخلفين و سواقين الميكروباصات بيغلوا الاجرة قهر و الحكومة مساعده ان الانفلات ينفلت اكتر من ذاته بدل منكوميك على بعض ؟
انا شخصيا بعد ما كنت مؤمن بقيت نوعا ما لا منتمي لفكر و عادات الشعب ده......
يلا بقا نقول ف نفس واحد الكلمه المعتاده يا مسهل...و نخش ننام عشان نصحى نضحك على نفسنا وعلى بعض تاني.....
يا ناس يا رمم.. :)