هو ليه الفرح مش طويل ؟!
وليه الحزن و الكآبه, لما بيحبوا حد مش بيسيبوه إلى بطلوع الروح ؟!
ليه الناس بتخاف تضحي عشان بعض؟؟ ليه مش بيخسروا حاجه في سبيل سعادة حد تاني ممكن يكون اهم من الحاجه دي ؟!
ليه في ناس كتير مش بتبص للموضوع اللي مزعلهم غير من منظور واحد بس منظورهم الشخصي حتى لو غلط ولو الشخص التاني عارضهم يبقى ميفرقش حتى لو بينهم عشره وأيام حلوه وانبساط يخلوا أي حد يسيب أي حاجه فالدنيه أو يضحي بيها عشان خاطر الشخص التاني ده يبقى مبسوط حتى ولو على حساب نفسهم ؟
نفسك إيه ونفسي إيه واحنا واحد ؟! بني ادمين عندنا نفس المشاعر بس احنا اللي بنتحكم بيها غلط, و بنخاف نكسر نفسنا لو غيرناها عشان مايدعى الكرامه و نفسي وشخصيتي ( الكلام اللي كل واحد بيفهمو بمزاجه ويخسر ناس بيحبهم بجد عشان تفاهات النفس والشخصية ) ؟!
ليه بنخلي الناس اللي بتكلمنا أو تقولنا حاجه في موضوع متعلق بين اتنين أو مجموعه يأثر على ارائنا وعلاقتنا ويتسبب في مشاكل ممكن تخلينا نخسر بعد عشان حد قال كلمه ملهاش لازمه ضايقتني من فلان !!
ليه وليه وليه ... ألف سؤال وجد من تصرفات بتخلي الناس تخسر بعد بس مش أكتر... !!!!
كل اللي نفسي اوصله أو اقوله...بلاش نخسر بعض, عايزين نحب بعض بجد لدرجة التضحية باي شيء لاجل سعادة أي طرف تاني فيحياتنا - حبيب, صاحب, قريب, زميل.... - مش هتخسر/ي حاجه والله بالعكس, هتتبسط إنك بتعمل كده لما تحسه وتعرف إنك بتعمله عشان أنت كده أنت كويس أنت ابن ناس و اللي مش هيقدر اللي بتعمله عشانه يبقى ميستاهلكش و برده هفضل كويس معاه ولما يعوزني هكون جمبه عشان أنا من جوايا مش بكره, مش بتمنى الشر للي عملي الشر...
عايزين نحاول ننضف شوية التراب اللي جوانا اللي بتخلينا نحكم غلط ونفهم غلط كلمة ممكن تكون اتقالت لمعنى لو عرفته هتبوس اللي قاله !! وليه منحاولش منبصش لنفسنا بس ونبص ونفهم اللي حوالينا واللي بيحبونا كويس يمكن يكون الغلط فيك أو فيها أو فيا مش عيب.. العيب إنك تصمم عليه.
في أساسيات في الحياة مينفعش نخالفها واللي بيخالفها بيتحمل نتيجة غلطه اكيد ودي طبيعة الدنيا, ممكن تكون العاقبة بسيطه وقرصة ودن وهتعدي يمكن تفهم منها,,, وممكن يكون خسارة كبيره تندم عليها طول حياتك....
عايزين نعيش مبسوطين, عايزن نحب بجد لدرجة إنك تنسي حاجه ليك هتبسط اللي بيحبك واللي بتحبه.. عايزين نتغير...نحب بعض بجد.
#عايزين_نتغير #حبوا_بعض_بجد #ضحي_متخافش #ربنا_مش_بينسى_حد :)
ليست هناك تعليقات:
إرسال تعليق