بين السطور..

بين السطور..
بين السطور تيهه وحيره مهلكه
وكلام كتير..ميبانش غير..
من حر نار قايده ف شتى
حروف كتير متبعتره
رجال حروب ضاعت ورى
جثث غريقه ع البر رسيت
من البحر طلعت للثرى..
بين السطور..
بين السطور تلقى كلام
غير الكلام اللي انقرا
تلقى مشاعر حايره, دايره
عن شيء بعيد ساكن ورى
يمكن يكون م الذكريات
أو جرح عدى ف يوم وفات
يمكن امل يمكن دموع
فرح وحزن ولا آهآت
إيه الحكايه يا ترى
بين السطور..
بين السطور أنا عشت بحكي قصتي
واكتب بقلم, حبروا العيون
وارسم بريشة لونها الهوى
اعمل خطوط واشبك خيوط
طريقها يوصل للجنون
يجمعنا ونتفرق سوى
ويوضعلي أسباب وحدتي..
بين السطور..
بين السطور يجمع مابين
مطر ونار
يمكن براح بين البحور
حواليه حصار
أو سد عالي كبير وقع بعد الهدد
تلقى وراه قايم يجوز تلاتين جدار
بين السطور..
دنيا تعيشها لوحدها
ملهاش وسيط غير عقلك اللي عندها
أفكار كتير..تحديد مصير
لحاجات كتيره فرضتها
بين السطور..
سكينه تلمه أو ساطور
تلقى الوشوش المشرقه بالحب تعمر أو تبور
تلقى المعالم واضحه جدا زي نور شمس القصور
زي ورد ربيع مفتح, زي شجر ميت ملهوش جذور
بين السطور..
يا تعيش ملك لك دنيتك
يا تعيش اسير حرب وخراب
و ف يوم تبانلك آخرتك
تسمع كناريا أو غراب..
ركز كويس وكن صبور
بين السطور.......